Танґаніка (анґліцькы Lake Tanganyika, французькы Lac Tanganyika, свагілскы Tanganyika) є озеро во Выходній Африцї на граніцях Демократічной републікы Конґо, Танзанії, Замбії і Бурунді. Векшына ёго розлогы належыть Демократічній републіцї Конґо (45 %) і Танзанії (41 %). Ся находить міджі масівами гір на западній сторонї Великой перекоповой пропадлины. Озеро є найглубше в Африцї і розлогов друге найвекше в Африцї. Обсягує найвеце воды зо вшыткых африцькых озер. Має розлогу 34 000 км².